I sommar har vi to dyktige designstudentar frå NTNU med oss. Møt Emma og Stella, som skal jobbe med å vidareutvikle Opplev! Stryn.

Fredag 26. juni samla Innom ein stor og interessert gjeng til frukostsamling om dei vanskelege sjukefråværssakene. Advokatane frå Øverbø Gjørtz, NAV Nordfjord og NAV Arbeidslivssenter Vestland bidrog med kompetanse, ferske tal og praktiske verktøy. Det vart ein tankevekkande morgon om eit tema med konsekvensar for både arbeidsplassar og enkeltmenneske.

Anders Endre Nybø delte erfaringar frå 30 år med omstilling i over ti bedrifter, og presenterte konkrete verktøy for leiarar som står midt i ei krise. Rob "Swede" Curti fortalde si eiga historie — frå Russland og Miami til ein gard på Blakset. To heilt ulike karrierevegar, men med same kjerne: å våge å ta val og halde ut.

12. mai var 95 niandeklassingar frå Stryn, Olden og Hornindal ute i arbeidslivet for å bli betre kjende med yrke og utdanningsvegar.

Blilyst er ikkje ein brytar du slår på – det er summen av små stadfestingar i kvardagen. Det var bodskapen då Anna-Natalie Martini frå NAV Nordfjord og rektor Anita Elisabet Flo (Stryn frå Stryn videregående skule gjesta Innom fredag 24. april.

"Vi må kople av for å kople på," sa Linda Gytri då ho gjesta Her& på Salongen - Stryn Vertshus fredag 17. april. 74 damer og fire menn fylte lokalet til randen for å høyre campingvertinna frå Oldedalen snakke om kvilepuls, skaparglede og det å leve livet her og no.

Fredag 10. april samla rundt 30 personar frå lokalt næringsliv og kommune seg til årets fyrste Bli kjent med. Tre spanande bedrifter opna dørene og delte sine historiar – frå takstolar og dykking til roser som har reist frå Kenya. Les heile reportasjen her.

Rådgjevarrunden gir rådgjevarar frå skulane verdifull innsikt i lokalt arbeidsliv og framtidige moglegheiter for ungdom. Under årets runde besøkte deltakarane både offentlege og private verksemder i vekst, og fekk møte engasjerte fagfolk innan alt frå helse og administrasjon til handverk, trening og økonomi. Dagen synte breidda i næringslivet vårt – og kor viktig samspel mellom skule og arbeidsliv er for å ruste ungdom for framtida.

Frå kamp om samferdsle til kapital for vekst – og ungdom som leverer på høgt nivå. Innom 27. mars samla perspektiv som seier mykje om retninga vidare for næringslivet i regionen.

Fire ungdomsbedrifter frå Stryn deltok i fylkesmeisterskapen i Ungt Entreprenørskap i Førde denne veka. Der imponerte elevane stort – og Brunova UB gjekk heilt til topps som beste ungdomsbedrift i Sogn og Fjordane. No ventar NM på Lillestrøm for gründerspirene bak brettspelet «Jakten på Ceciliekruna».

Utydelege rammer i planverket kan skape hindringar for utvikling. Under INNOM vart plan, handlingsrom og samspel mellom kommune og næringsliv sett under lupa.

Kva skjer når vi stoppar opp og tek eigarskap til tida vår? Under HER& på Stryn Vertshus utfordra Sigrid Førde deltakarane til å stille dei spørsmåla som kan skape reell endring.

Singerheimen ved Rustøy Overnatting AS vart kåra til Årets Nyskapar 2025 i Stryn kommune. Prisen vart delt ut under INNOM, der tre sterke kandidatar presenterte satsingane sine for publikum og jury.

Korleis arbeider ei industribedrift systematisk med kontinuerleg forbetring? På INNOM delte produksjonssjef Knut Ove Rygg frå Ekornes erfaringar med Lean, problemløysing og effektiv produksjon.

Sjeføkonom Elisabeth Holvik gav eit analytisk og engasjerande blikk på den økonomiske situasjonen i verda og i Noreg då ho besøkte årets siste INNOM. Med tema som geopolitikk, verdsøkonomi og rammevilkår for norsk næringsliv skapte innlegget både engasjement og vidare diskusjonar.

På INNOM 28. november tok Ole Martin Bøe frå Local Host oss gjennom kva digital beredskap eigentleg betyr – og kor sårbare mange bedrifter er utan ein plan B. I tillegg delte Terje Bjerkan og Inge Fænn innsikt frå arbeidet med Strynefjellseventyret, og korleis historia frå fjellet kan inspirere nye initiativ og arrangement i Stryn.

Ein inspirerande ettermiddag med BLI KJENT MED, der vi besøkte Nomek for omvising og innblikk i deira imponerande produksjon, før Nordfjord EDB delte korleis dei jobbar med datavisualisering og GIS-løysingar. Kvelden runda vi av med næringslivspub og gode samtalar på tvers av næringslivet i Stryn.

Då Mogleg inviterte til HER& med Hilde Konstali i Lodgen, vart det ei kveld fylt med varme, refleksjon og surdeigsduft. Hilde delte si reise frå barndomsdraum til eige mikrobakeri – og inspirerte med bodskapen om å våge, handle og skape det livet ein ønskjer å leve.

Korleis møter eit 100 år gamalt forlag AI, endra lesevanar og nye krav til synlegheit?
På INNOM 31. oktober fortalde Kjartan Dannatt frå Gyldendal om korleis forlaget byggjer framtida gjennom data, samarbeid og digital transformasjon.

Årets Strynemesse vart ein suksess for VERDIPITCH, arrangert av Mogleg i samarbeid med SpareBank 1 SMN. Arrangementet sette fokus på gründerskap, berekraft og verdiskaping – og resulterte i utdeling av 50.000 kroner i utviklingskapital til vinnarprosjektet.