Her finn du alt som skjer i regi av Mogleg denne hausten og vinteren!

Vi tilbyr ei rekke faste møteplassar opne for alle som er interesserte – frå frukostmøta på Innom og dei personlege historiene på her&, til bedriftsbesøk gjennom Bli kjent med.

I tillegg lanserer vi to nye konsept: Passe Snevert, der vi deler konkrete tips og triks, og Mogleg Best Praksis, der lokale bedrifter fortel om vegen til suksess.

Sjå heile programmet under, og sett av datoane som passar for deg!

Dei fleste har ei mappe dei helst ikkje vil opne: Skrivebordet. Nedlastingar. Eller «Diverse», som berre veks og veks.

Onsdag 19. august inviterer Mogleg til det aller første Passe Snevert.

Temaet er noko dei fleste kjenner seg igjen i: mappestruktur og filorganisering.

Foredragshaldar er Christer Lunde Solberg frå Mogleg. Som fotograf har han bygd opp eit stort og omfattande biletarkiv som han må kunne manøvrere i med enkelheit. Det har gjeve han eit system han stolar blindt på – og som han no deler vidare, uavhengig av kva slags filer du sjølv jobbar med.

Å lagre filer er enkelt. Utfordringa kjem når du skal finne dei igjen.

I dette foredraget deler Christer enkle prinsipp for korleis du kan byggje eit system som fungerer i kvardagen. Du får vite korleis du kan designe mappestrukturen slik at sortering skjer nesten av seg sjølv, kvifor eit godt nok system du faktisk brukar er betre enn eit perfekt system du gir opp, og korleis du kjem i gang – sjølv om du allereie har mange år med rotete filer.

Passe Snevert er ein ny møteplass frå Mogleg. Her møter du folk som kan mykje om noko heilt spesielt – og som viser korleis den kunnskapen kan vere nyttig utover sitt eige fagfelt.

Tid: Onsdag 19. august, kl. 09.00–09.45
Stad: Digitalt på Teams
Foredragshaldar: Christer Lunde Solberg frå Mogleg

Meld deg på – og gjer det litt enklare å finne det du leitar etter.