1. Arrangør VerdiPitch er eit initiativ frå Mogleg AS i samarbeid med SpareBank 1 SMN.

2. Deltakarvilkår

• Konkurransen er open for personar frå 16 år og oppover.

• Påmelding skjer via elektronisk skjema på denne nettsida.

• Berre seriøse bidrag vil bli vurdert.

• Deltaking er gratis.

3. Premiering

• Totalt premiepott er 50 000 kroner i utviklingskapital.

  1.plass får 35 000 kr og 2. plass får 15 000 kr.

• Premiane blir utdelte på Strynemessa i oktober 2026.

4. Jury

• Juryen er sett saman av representantar frå lokalt næringsliv og SpareBank 1 SMN.

• Juryen vel ut dei to beste idéane, og desse blir inviterte til å ta imot premien på Strynemessa.

5. Vurderingskriterium Idéane må vere originale og ikkje tidlegare offentleg lanserte. Juryen vurderer etter:

• Gjennomførbarheit, innovasjonsgrad og løysing

• Berekraftsaspekt (miljø, sosialt, økonomisk)

Endeleg premiefordeling blir avgjord av juryens samla vurdering.

6. Personvern og marknadsføring

• Ved påmelding gir deltakarar samtykke til at kontaktopplysningar kan brukast av arrangørane innanfor denne konkurransen.

• Dersom du går vidare i konkurransen, stadfestar du at Mogleg AS og SpareBank 1 SMN kan nytte bilete av deg til publisering i sosiale medium.

7. Ansvar og rettar

• Arrangørane held seg til gjeldande regelverk for konkurransar og marknadsføring, inkludert marknadsføringslova § 18.

• Alle som sender inn ein idé får ei stadfesting på at bidraget er motteke.

• Etter juryens vurdering får alle deltakarar tilbakemelding på om dei har gått vidare eller ikkje.

• Idéar som ikkje går vidare blir behandla konfidensielt og ikkje delt vidare.

Spørsmål? Send e-post til post@mogleg.no